Комплаенстің жедел желісі этика, комплаенс, сыбайлас жемқорлыққа қарсы нормаларды сақтау, қаржылық құқық бұзушылықтар және «Фридом Банк Қазақстан» АҚ және Freedom Holding Corporation комплаенс саясатының өзге бұзушылықтары мәселелеріне байланысты ықтимал бұзушылықтар туралы хабарламаларға арналған.
Қызмет көрсету сапасына, банк өнімдеріне немесе басқа жалпы мәселелерге байланысты өтініштерді «Фридом Банк Қазақстан» АҚ клиенттік сервисінің ресми арналары арқылы жіберу қажет.
Комплаенс жедел желісі хабарламаларды өңдеудің құпиялылығы мен объективтілігіне кепілдік беретін тәуелсіз Whispli платформасында жұмыс істейді. Барлық өтініштер комплаенс пен дербес деректерді қорғаудың халықаралық стандарттарына қатаң сәйкестікте қаралады.
Комплаенстің осы жедел желісін пайдалана отырып, өтініш беруші Whispli тәуелсіз платформасы жұмысының ерекшелігін түсінетінін және өтініш берушінің өтінішінде қызметтік құпия, банк құпиясы, инсайдерлік ақпарат, бағалы қағаздар нарығындағы коммерциялық құпия, сақтандыру құпиясы, салық құпиясы және/немесе Алушы тарапқа Қазақстан Республикасы заңнамасының талаптарына орай ашуға тыйым салынған немесе шектелген заңмен қорғалатын құпия болуы мүмкін екенін растайды. Осыған байланысты өтініш беруші оны жария еткені үшін Қазақстан Республикасының заңнамасында көзделген тәртіппен жауапты болады.
Өтінішті Whispli платформасы арқылы жібере отырып, өтініш беруші ұсынылған ақпаратты «Фридом Банк Қазақстан» АҚ бас компаниясы Freedom Holding Corporation-ға (АҚШ) (Алушы тарап) комплаенс тергеу мақсаттары үшін беруге (оның ішінде трансшекаралық) келісімін растайды. Бұл өтінішті Freedom Holding Corporation уәкілетті қызметкерлері Қазақстан Республикасының құпиялылық және дербес деректерді қорғау туралы заңнамасының қолданыстағы нормаларына сәйкес өңдейтін болады.
Өтініш берушінің дербес деректері (егер өтініш беруші оларды ұсынса) деректерді қорғау туралы заңнамаға сәйкес өңделетін болады, соның ішінде, бірақ онымен шектелмей, ЕО-ның деректерді қорғау жөніндегі жалпы регламенті (GDPR) және Қазақстан Республикасының дербес деректерді қорғау туралы заңнамасы, бұл туралы өтініш беруші өтінішті жіберу арқылы өзінің келісімін береді. Қажет болса өтініш беруші өтінішті жасырын түрде бере алады.
Жалған немесе көрінеу жаңылыстыратын ақпарат беру Қазақстан Республикасының заңнамасына сәйкес заңдық салдарға әкеп соғуы мүмкін. Барлық өтініштер адал және нақты фактілерге негізделуі керек.
